Энэхүү судалгаанд бид CGE загварчлалыг ашиглан төмрийн хүдрийн салбарын Монголын эдийн засагт үзүүлэх шууд ба шууд бус нөлөөг хоёр таамаглалын хүрээнд тооцоолсон. Эхний таамаглалд төмрийн хүдрийн салбаргүй эдийн засгийг авч үзсэн бол, хоёрдугаар нөхцөлд төмрийн хүдрийн салбартай эдийн засгийг авч үзсэн. Үүний үр дүнд төмрийн хүдрийн салбарын хувь нэмрийг 2014–2030 онуудад жилд дунджаар ДНБ-ий 4 орчим хувь буюу 1.2 тэрбум ам.доллар гэж тооцоолсон. Үүний улмаас үйлчилгээний салбарт ихээхэн нөлөө үзүүлсэн бол, тээвэр, эрчим хүч болон уул уурхайн салбарууд онцгой ашиг хүртсэн байна.